काठमाडौं, माघ १३ – सरकारसँग पहिले भएका सहमति कार्यान्वयनको माग गर्दै शिक्षकहरुले शुक्रबार देशभरका शिक्षा कार्यालयमा धर्ना दिएका छन् । पूर्व घोषित कार्यक्रम अनुसार आज दिनभरी नै धर्ना कार्यक्रम रहेको नेपाल राष्ट्रिय शिक्षक संगठनका अध्यक्ष बाबुराम अधिकारीले जानकारी दिनुभयो ।अस्थायी शिक्षकलाई प्रकृया पु-याएर स्थायी, शिक्षक तथा विद्यालय कर्मचारीका अरु समस्या सम्बोधन लगायत विषयमा सरकारले गरेको सहमति कार्यान्वयन नभएको भन्दै शिक्षकहरु संयुक्त रुपमा आन्दोलनमा उत्रिएका छन् ।सरकारले शिक्षा ऐनमा संशोधन गरेर शिक्षक र विद्यालय कर्मचारीका माग सम्बोधन गर्ने भनेपनि यो हुन सकेको छैन ।
सम्बन्धित समाचार
