काठमाडौं, २६ मंसिर । पछिल्लो समय फिल्मको प्रोमोशनका लागि दर्शकको नजरमा बस्न सिने कलाकारहरूले सानो पर्दाका चर्चित कार्यक्रममा अभिनय गर्न रूची देखाईरहेका बेला महानायक राजेश हमाललाई पनि सानो पर्दा प्रति रूची बढेको छ । बाईस बर्षे फिल्मी करिअरमा पहिलो पटक उनी हास्य टेलिश्रृङखला मेरी बास्सैमा तीन साता सम्म देखिदैछन् । शनिबार बेलुकी प्रसारण भएको उक्त श्रृङखलामा उनी राजेश हमालकै भूमिकामा देखिएका हुन् । यस एपिसोडमा नक्कली राजेश हमाल बनी महानायकका फ्यानहरूलाई धुर्मुसले ठग्दैछन् । जस अनुरूप आफ्नो नाम ठगी गर्दे दर्शक भाड्न लागेको खबर एक प्रोड्यूसरबाट थाहा पाएपछी हमाल धुर्मुसलाई भेट्न उनको गाउँ पुग्छन् र नक्कल गर्दै हिड्ने धुर्मुसको सबै कर्तुत महानायक आफैले सार्बजनिक गर्दछन् ।
नायक हमालको पद पच्छाउदै गरेका नायक राजबल्लभ कोइरालाले पनि तितो सत्यको केही श्रृङखलामा अभिनय गरेका छन् ।
