काठमाडौं, फागुन ६ (एनयमक्याफे) राष्ट्रपति डाक्टर रामवरण यादवले राज्य पुनर्संरचना गर्दा मुलुकको अखण्डतामा ध्यान दिन राजनीतिक दलका नेतालाई आग्रह गर्नुभएको छ । काभ्रेको बनेपामा मध्यमाञ्चल महोत्सवको उद्घाटन गर्दै राष्ट्रपति यादवले मुलुक सिंगो रहने र नेपाली भएर बाँच्ने अवस्था बनाउन दलहरुको ध्यानाकर्षण गर्नुभएको हो । ९० प्रतिशत नागरिक अखण्ड र सिंगो नेपालका पक्षमा रहेकाले मुलुकको अखण्डतामा ध्यान दिनुपर्नेमा राष्ट्रपतिले जोड दिनुभयो । सवै भाषाभाषी र जातजातिसँग छलफल गरेर मात्रै राज्य पुनसंरचना गर्नुपर्ने राष्ट्रपति यादवको भनाई छ । मुलुकलाई जातका आधारमा नभई कानूनका आधारमा अघि बढाउनु पर्नेमा समेत राष्ट्रपति यादवले जोड दिनुभयो ।
सम्बन्धित समाचार
