काठमाडौं, पुस ६ । डेढ बर्ष अघि सुटिङका लागि भनेर लगेको कस्ट्यूम (ड्रेस) फिर्ता नदिए पछि कस्ट्यूम (ड्रेस) डिजाईनर माटिन खानले दुई चलचित्र ‘आई एम सरी’ र ‘मेरो लभ स्टोरी’ का निर्माता हरि महत र सुरज आचार्य विरूद् उजुरी दिने भएका छन् ।

ड्रेसका लागि बारम्बार ताकेता गर्दा पनि निर्माताले वास्ता नगरे पछि माटिनले निर्माता संघमा उजुरी दिन लागेका हुन् । उनले दुबै चलचित्रको गरेर करिब पाँच लाख रुपैया लिनुपर्ने बताए । चलचित्र ‘मेरो लभ स्टोरी’ का निर्माता आचार्यले केहि रकम र केहि ड्रेस फिर्ता दिएको भए पनि करिब डेढ लाखको ड्रेस दिन बाँकी रहेको माटिनको भनाई छ । माटिनले उक्त ड्रेसको डिजाईन पुरानो भईसकेकाले फिर्ता गरे पनि कुनै अर्थ नराख्ने बताउँदै निर्माता आचार्यले क्षतिपूर्ती स्वरूप ड्रेस सहित डेढ लाख रूपैंया दिनुपर्ने बताए । यता चलचित्र ‘आई एम सरी’ का निर्माता महतले भने अहिले सम्म एउटा पनि ड्रेस फिर्ता नगरेको बताए । ‘डेढ बर्ष अघि लगेको ड्रेस अहिले सम्म फिर्ता पाएको छैन । त्यसैले अब त अति नै भएर केस नै गर्न लागेको हुँ’, पिडित खानले भने, ”आई एम सरीका निर्माताबाट क्षतिपूर्ती सहित करिब अढाई लाख लिनुपर्ने हुन्छ l