भारतीय टेलिभिजन रियालिटी शो ‘बिग बोस’को पाँचौ सिजनको उपाधि जूही परमारले जितेकी छिन् । यससँगै उनले एक करोड भारतीय रुपैयाँ पनि हात पारेकी छिन् । १३ प्रतिस्पर्दीलाई पछाडी पार्दै उनले यो उपाधि हात परेकी हुन् l तर, कार्यक्रम सकिए पनि यसको विवाद भने सकिएको छैन । जूहीले उपाधि जितेकोमा आश्र्चय जनाउँदै विभिन्न हस्ती र दर्शकले आलोचना गरेका छन् । विभिन्न कलाकार र दर्शकले टि्वटरमा समेत निर्णयको विरोध गरेका छन् । विजेता घोषणा भएपछि जूहीले भने आफूलाई जितको आश नगरेको बताएकी छिन् । उनले पुरस्कार रकम आफ्नो हुनेवाला बच्चाका लागि खर्च गर्ने योजना सुनाइन् । बिग बोसको गत सिजनको उपाधि टिभी कलाकार श्वेताले जितेकी थिइन् ।