सिकागो, अमेरिका, जनवरी २४ ( एनयमक्याफे) अमेरिकाको सिकागो शहरका समाजसेवी बाला घिमिरे ‘ कम्युनिटी सर्भिस अवार्ड २०१२’ बाट सम्मानित हुनुहुने भएको छ l घिमिरेले समाजमा पुर्याउनु भएको योगदानको कदर स्वरूप  ‘ एसियन अमेरिकन कोलिएसन अफ सिकागो’ ले उक्त पुरस्कार दिन लागेको हो l यसैगरि सिकागोका युवा शिव उपाध्याय ‘ युथ हु एक्सेल अवार्ड २०१२’ बाट सम्मानित हुनुहुने भएको छ l यो पुरस्कार पनि ‘ एसियन अमेरिकन कोलिएसन अफ सिकागो’ ले नै दिन लागेको हो l

‘ ब्रिजिंग जेनेरेसन एण्ड कल्चर फर प्रोग्रेस’ भन्ने नाराका साथ सप्ताहब्यापी रुपमा मनाइने ‘२९ औ लुनार नयाँ वर्ष’ कार्यक्रमका अवसरमा फेब्रुवरी २५ तारिख साँझ उहालाई पुरस्कृत गरिने कार्यक्रम रहेको छ l पुरस्कार वितरण कार्यक्रममा करिव १२०० सहभागी हुने अनुमान गरिएको छ l अमेरिकी कांग्रेसमा इलिनोयको नवौ डिस्ट्रिकबाट प्रतिनिधित्व गर्ने कांग्रेसम्यान जान स्चाकोव्स्क्य, इलिनोय राज्यका गभर्नर पाट क्यून लगायत राज्यका महत्वपूर्ण अधिकारिहरुको पनि यस कार्यक्रममा उपस्थिति हुने भएको छ l कार्यक्रममा सिकागोमा रहेका टेलीभिजन प्रसारण संस्थाका ‘ सेलिब्रेटी’ को बाक्लो उपस्थिति रहने र महत्वपूर्ण संचार माध्यमहरुले यस कार्यक्रमलाई महत्वकासाथ स्थान दिने निश्चित भएको जानकारी आयोजकबाट प्राप्त भएको छ l

बाला घिमिरे १९८० को दशकको पूर्वार्धको समयमा बिद्यार्थी छदा प्रजातान्त्रिक आन्दोलन र सामाजिक सेवामा सक्रिय हुनुहुन्थ्यो l १५ वर्ष अघि अध्यनको सिलसिलामा अमेरिकाको सिकागो शहर आइ पुग्नु भएका घिमिरेले सिकागो शहरमा थुप्रै संघ-संस्थामा रहेर योगदान पुर्याउनु भएको छ l उहा ‘एसियन अमेरिकन एडभाइजरी काउन्सिल फर सेक्रेटरी अफ स्टेट, इलिनोय’ मा नेपाली समुदायको प्रतिनिधित्व गर्नु हुन्छ l उहाले नेपालमा रहेका गरिव बालबालिका लागि सहयोग पुर्याउन ‘फाउन्डेशन’ स्थापना गर्नु भएको छ l ‘एजुकेशन फाउन्डेशन अफ नेपाल’ का संस्थापक सभापति बाला घिमिरे नेपाली समुदायमा परिचित नाम हो l वाहा उत्तर अमेरिकामा बसोबास गर्ने नेपालीहरुको शाझा संस्था एएनएको अन्तरिम कार्यसमितिमा सदस्य पदमा रहेर एएनएलाइ सहयोग पुर्याइ रहनु भएको छ l रेस्टुरेन्ट ब्यबसायी घिमिरेका सिकागोमा ‘सिकागो करी हाउस’ र ‘सिकागो करी हट’ रेस्टुरेन्टका संचालनमा छन् l