काठमाडौं, माघ १३ – नेपाली सिने क्षेत्रकी चरित्र-अभिनेत्री सुशीला रायमाझीको बिहीबार निधन भएको छ। क्यान्सरबाट पीडित रायमाझीको ललितपुरको बी एण्ड बी अस्पतालमा निधन भएको उनका नातेदार तथा फिल्म निर्माता रमेशजंग रायमाझीले जानकारी दिनुभयो । बिहीबार राती नै उनको दाहसंस्कार गरिने रमेशजंगले जानकारी गराउनुभयो । ‘बी एण्ड बी’ अस्पतालमा ठाउँ नभएकाले टिचिङ अस्पतालमा सव राखिएको छ। रायमाझीका दुई छोरी छन्। रमेशजंग रायमाझीका अनुसार ‘कान्छी छोरी अमेरिकाबाट विहिवार राति आइपुग्छिन् , त्यसपछि अन्तिम संस्कार गरिन्छ,’ ।
राम्रो अभिनय गर्ने कलाकारको रुपमा प्रसिद्ध रायमाझीले ‘धन सम्पती’ र ‘पिंजडा’ नामक फिल्म निर्माण पनि गर्नुभएको थियो । उहाको जेठी छोरी प्रसिद्धिकाले केहि फिल्महरुमा हिरोइनको भूमिका निर्वाह गर्नुभएको थियो ।